今日穷人食家唔系同大家用50蚊 食啦，而系黎到穷人圣地Food Court睇下有咩好食。今次我地就去旺角新开商场T.O.P.，听闻 Food Court比朗豪坊少人，价钱都唔算贵，就等我地睇下系咪真！
T.O.P.Food Court位於商场地下，有6间餐厅，间间都大有来头，仲集合中西美日港泰美食，真系好吸引！
今次我地就试人气最高美式炸鸡Popeyes，2件炸鸡Set系$48，鸡肉好大件，摄哥哥仲以为呢度有大半苹鸡份量添！味道都好够，不过大件鸡块有D位略乾。薯条闻落系扭扭薯条、睇落系普通薯条，食落又几好味，外皮炸得几脆身。
2件炸鸡Set $48.00
然後我地又试米芝莲食府「鸿师傅」叉烧皇煎蛋饭，系观塘总店「阿鸿小吃」连续5年获得米芝莲一星荣誉，每日少量店内即烧叉烧皇系最大卖点！的确 肉味比普遍叉烧都重，肉质都好新鲜唔会有乾柴感觉。不过调味就唔系好够，小编当日都听到有人要求要额外叉烧汁，应该大家都同小编有一样感觉。
叉烧皇煎蛋饭 $58.00
其实小编月尾真系成日会去Food Court食饭，如果你地有好味Food Court推荐，记住inbox话比小编知啊！
Tags: homita为食家
如果你都想分享你美容、时尚、旅行、运动心得，请将投稿文章连同不多於100字个人简介同埋近照一张，电邮到∶ editor@homita.com.hk，文章经小编筛选後更有机会刊登我FB专页，一经入选我会支付相应稿酬，仲唔快来投稿？
Author Information
You May Also Like
